Mayor na takot kay Lord Lalabanan ang mga Gambling Lord sa Pampanga bilang Gobernador

 

Nakaka inspire ang kwento ng buhay nitong dating batang musmos na namulat sa kahirapan sa bayan ng Candaba Pampanga. Dahil matapos niyang magpayaman ay pinasok naman niya ang mundo ng pulitika upang higit pang maibahagi sa mga kababayang mahihirap ang sapat ng tulong na kanilang kinakailangan. At yan ang dahilan kung bakit mahal siya ng Pampageño.

Ang taong ito ay nagpayaman muna bago pumasok sa pulitika at dahil na din sa dinanas na kahirapan ay naramdaman niyang kailangan ng kanyang mga kababayan ng lider na titindig at tapat na mamumuno.

Sa ngayon ay lakas loob na naghain ng kandidatura ang dating alkaldeng si Danilo Baylon upang i-challenge ang makapangyarihang angkan ng mga Pineda na kasalukuyang naghahari sa lalawigan ng Pampanga.

Ang isa umanong numero unong prayoridad ng kanyang administrasyon ay ang pigilan ang Sugal na siyang nagpapahirap sa kanyang mga ordinaryong mga kababayan. Kabilang na umano diyan ang paglaganap ng kaso ng nakawan, pagkawasak ng pamilya at pagpapakamatay dahil lamang umano sa pagkalulong sa talamak na sugal sa kanilang lalawigan.

Matapang ang paninindigan ng naturang dating Mayor na puksain ang naturang aktibidad at sa halip umano ay tutumbasan na lamang aniya ng platapormang maghahatid ng maraming trabaho at ayuda sa mga mamamayan ng Pampanga.